1 қазан күні Қазақ соқырлар қоғамының ғимаратында Халықаралық қарттар күніне арналған «Возраст осени золотой» атты жылы да әсерлі концерттік бағдарлама өтті. Бұл – аға буын өкілдеріне деген құрметке, алғыс пен ерекше ықыласқа толы ерекше мереке.
Концерттік бағдарлама «ДоРеМи» музыкалық клубының мүшелері орындаған әсерлі вокалдық нөмірлерден, оқылған өлеңдер мен музыкалық шығармалардан құралды. Бағдарламада «Ағалар», «Анашым», «Маме», «Родительский дом», «Алматының түндерін-ай» және басқа да әндер орындалды. Залда жылулыққа, қамқорлық пен шынайы адами қарым-қатынасқа толы ерекше атмосфера қалыптасты. Сахнадағы әрбір өнер көрсету көрермендердің зор қошеметімен және ризашылыққа толы жүздерімен сүйемелденді.
Қарттар өз естеліктерімен бөлісіп, көрсетілген ықылас пен осы бір күні сыйлаған қуаныштары үшін алғыстарын білдірді. Мұндай іс-шаралар тек көтеріңкі көңіл күй сыйлап қана қоймай, ұрпақтар арасындағы байланысты нығайтуға, аға буын өкілдеріне олардың біз үшін әрдайым тірек әрі даналықтың үлгісі екенін сезінуіне мүмкіндік береді.