Кітапханада аға буын өкілдерінің №4 емхананың емдеу-профилактикалық кабинетінің маманы Салтанат Қойшанқызымен кездесуі өтті. Кездесудің тақырыбы – «Денсаулық формуласы: аурудың алдын алу жетістікке жеткізеді».
Әңгімелесу барысында маман аурулардың алдын алудың, өз денсаулығына мұқият қараудың және медициналық көмекке уақытылы жүгінудің маңыздылығы туралы айтып берді.
Қатысушылар өздерін үнемі жақсы сезінулері және түрлі аурулардың алдын алу үшін не істеу керектігі жайында көптеген сұрақтар қойып, белсенділік танытты. Маман олардың әрқайсысына жан-жақты жауап беріп, пайдалы кеңестер мен ұсыныстарын айтты.
Мұндай кездесулер аға буын өкілдеріне денсаулық туралы сенімді әрі түсінікті ақпарат алуға, өз денсаулығына қамқорлық жасауға және күнделікті өмірде белсенділігін сақтауға мүмкіндік береді.