«Кітапхана – ұлт руханиятының тірегі: мұра, мүмкіндік, мақсат» атты облыстық ғылыми-практикалық конференция аясында Қазақстан Республикасының ішкі саясатының өзекті мәселелері мен заманауи цифрлық ресурстарды пайдалану тақырыптарына арналған секциялық сессия өтті.
«Қазақстан Республикасының ішкі саясатының негізгі қағидаттары, құндылықтары мен басым бағыттары» тақырыбындағы баяндамада мемлекеттік саясаттың негізгі бағдарлары мен оны іске асырудың басым бағыттары қарастырылды.
«Википедияға мақала орналастыру алгоритмдері» атты практикалық сабақ барысында қатысушыларға онлайн-энциклопедияға материалдарды дайындау және жариялау кезеңдері, сондай-ақ олардың мазмұны мен рәсімделуіне қойылатын негізгі талаптар түсіндірілді.
Іс-шара қатысушылардың мемлекеттік саясат мәселелері бойынша хабардарлығын арттыруға, сондай-ақ кітапханалық және мәдени-ағартушылық қызметте цифрлық құралдарды қолдану жөніндегі білімдерін кеңейтуге ықпал етті.