21 қазанда, Республика күні қарсаңында Л. Н. Толстой атындағы Қостанай облыстық әмбебап ғылыми кітапханасы ҚР ІІМ Қылмыстық-атқару жүйесі комитетінің № 76 мекемесінде «Республика күні – Қазақстан мемлекеттілігінің нышаны» атты патриоттық сағат ұйымдастырды.
Іс-шара барысында қатысушылар Қазақстан мемлекеттілігінің қалыптасуындағы негізгі кезеңдермен, тәуелсіздікке қол жеткізу тарихымен және оның ел дамуындағы маңызымен танысты. Егемендікті нығайтуға және ұлттық құндылықтарды сақтауға ерекше назар аударылды.
Кездесу барысында Республика күнінің тарихы мен тәуелсіз Қазақстанның қалыптасу жолындағы маңызды оқиғалар туралы бейнематериалдар көрсетілді.
Кездесу Қазақстанның тәуелсіздігінің, бірлігінің және мемлекеттілігінің символы саналатын Республика күнінің маңызын тағы бір мәрте атап өтуге тамаша мүмкіндік болды.