27 қазанда Халықаралық волонтерлер жылы аясында Қостанай облысының волонтерлер ұйымдарының өкілдері мен қаланың оқу орындарының студенттерін біріктірген «Волонтерлік – жүрек қалауы» атты кездесу-пкірталас өтті.
Іс-шара барысында қатысушылар волонтерлердің кім екенін және адамдарды ерікті жұмыспен айналысуға не итермелейтінін талқылады. Шақырылған қонақтар өздерінің түрлі іс-шараларға қатысу тарихымен бөлісті, әлеуметтік бастамалар, жеке тәжірибелері туралы айтып беріп, студенттердің сұрақтарына жауап берді.
Іс-шара волонтерлер қозғалысына арналған тақырыптық көрмемен және еріктілердің жұмысын жан-жақты көрсететін бейнероликтерді көрумен толықтырылды.
Ашық диалог түрінде студенттер өз пікірлерін білдіруге мүмкіндік алды, волонтерлік жобаларға қатысу мүмкіндіктері туралы білді және тіпті болмашы көрінетін қайырымдылық істің өзі біреудің өмірін жақсы жаққа өзгерте алатынына көз жеткізді.