Л. Н. Толстой атындағы Қостанай облыстық әмбебап ғылыми кітапханасында № 7 мектеп оқушылары үшін экскурсия ұйымдастырылды.

Оқушылар облыстың бас кітапханасының тарихымен, бүгінгі тыныс-тіршілігімен, оқу залдарымен және мүмкіндіктерімен танысты. Оларға кітапхананың бірегей кітап қорлары, клубтары мен әрбір оқырман қатыса алатын шығармашылық жобалары туралы ақпарат берілді.

«Америка бұрышы» АРО оқушылардың ерекше қызығушылығын тудырды. Олар ағылшын тілінде сөйлесу клубтары, үстел ойындары және халықаралық білім беру бағдарламалары туралы білді. Сондай-ақ жасөспірімдер сабаққа жайлы жағдайда дайындалып, достарымен бірге уақыт өткізуге болатын демалыс аймақтарын жоғары бағалады.

Экскурсия оқушыларға көтеріңкі көңіл күй сыйлап, жарқын әсер қалдырды және кітапхананың жастардың қайта оралғысы келіп тұратын заманауи кеңістігі екенін дәлелдеді!