2 қарашада Л. Н. Толстой атындағы Қостанай облыстық әмбебап ғылыми кітапханасында «Компьютер әліппесі» жобасы аясында компьютерде жұмыс істеуді жаңадан бастаған пайдаланушыларға арналған компьютерлік сауаттылықты оқыту курсы басталды.
Сабақ барысында қатысушылар дербес компьютерде жұмыс істеу негіздерін игерді, Microsoft Word, Excel және PowerPoint бағдарламаларында құжаттар жасауды және өңдеуді, интернеттен ақпаратты іздеуді және жүктеуді үйренді. Сондай-ақ тыңдаушылар танымал WhatsApp және Telegram мессенджерлерімен, әлеуметтік желілердегі жұмыс негіздерімен және желідегі қауіпсіздік ережелерімен танысты.
Практикалық жұмысқа ерекше назар аударылды. Әр сабаққа практикалық тапсырмаларды орындау, өтілген материалды қайталау және бекіту кірді. Бұл тәсіл қатысушыларға жаңа білім алып қана қоймай, оларды күнделікті өмірде қолдануға үйренуге мүмкіндік берді.
«Компьютер әліппесі» жобасы халықтың цифрлық сауаттылығын арттыруға ықпал етеді, пайдаланушыларға қазіргі заманғы ақпараттық кеңістікте неғұрлым дербес және сенімді болуға көмектеседі.