4 қарашада Л. Н. Толстой атындағы Қостанай облыстық әмбебап ғылыми кітапханасы «Әдеби десант» жобасы аясында Науырзым ауданында қостанайлық жазушы Абылай Мауданның «Ғажайып арал» кітабының тұсаукесерін өткізді.
Кітап Қостанай облысы әкімдігі мәдениет басқармасының тапсырысы бойынша жарық көрді. Автор Науырзым өлкесінің тарихи-мәдени мұрасы, оның тамаша табиғаты, халқының дәстүрлері және тағдыры туған жерімен байланысты болған адамдар жайлы әдеби тілмен баяндайды.
Кездесу барысында қатысушылар шығарманың жазылу тарихымен танысты, оның көркемдік ерекшеліктерін, кейіпкерлердің бейнелері мен оқиғалардың тарихи негізін талқылады. Ел аузындағы аңыздардың рөліне, ұрпақтар сабақтастығына және мәдени мұраны сақтауға ерекше назар аударылды.
Тұсаукесердің Науырзым жерінде өтуі іс-шараның маңызын арттыра түсті. Ол әдебиеттің туған өлке тарихымен және табиғатымен тығыз байланысын айқындай түсті. Кездесу қазіргі қазақ әдебиетін кеңінен насихаттауға, жергілікті авторларды қолдауға, сондай-ақ өскелең ұрпақтың рухани құндылықтарға және Қазақстанның өткен тарихына деген құрметін қалыптастыруға қосылған маңызды үлес болды.