«Л. Н. Толстой атындағы Қостанай облыстық әмбебап ғылыми кітапханасы» КММ-нде Қазақстан Республикасының Президенті Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауының негізгі ережелерін түсіндіруге арналған қызметкерлермен кездесу өтті.
Ұжым алдында Қазақстан Халық Кеңесінің мүшесі, «Қостанай жоғары автомобиль көлігі колледжі» КМҚК-ның директоры Дмитрий Иванович Павленко сөз сөйледі. Ол Жолдауда белгіленген елдің әлеуметтік-экономикалық даму міндеттері туралы айтып беріп, цифрландыру, кәсіпкерлікті қолдау, заңдылықты нығайту және азаматтардың әл-ауқатын арттыру мәселелеріне тоқталды.
Кездесу барысында кітапхана қызметкерлері көтерілген мәселелер бойынша пікір алмасты.