7 қыркүйек  күні Л.Толстой ат. Қостанай ОӘҒК-ның конференция залында қазақтың белгілі  жазушысы, мемлекет және қоғам қайраткері, ҚР Жазушылар одағының мүшесі Төлен Әбдікұлының 75 жасқа толу мерейтойына орай ҚР Ұлттық академиялық кітапханасының көмегімен телекөпір арқылы сұхбат өтті.  Аталған телекөпірге  Астана қаласынан елге белгілі азаматтар Қойшығара Салғарин, Серік Тұрғынбеков, Қажығали  Мұхаметқалиев, Камал Бұрханов сынды т.б. тұлғалар қатысты. Қостанайлық  қаламгерлерден Ғұмар Ахметчин, Нағашыбай Мұқатов, Қабылахат Сейдахмет, Абылай Мауданов, Қасқырбай Қойшыманов қатысып, өз лебіздері мен өлеңдерін оқыды. Телекөпірде өзекті де, салмақты ой-пікірлер айтылды. Телекездесуге келген студенттер мен оқырмандар осы секілді байланыстардың әріқарай жалғаса беруін сұрап, әсерлерімен бөлісті.