Л. Толстой атындағы облыстық әмбебап ғылыми кітапханада қазақ әдебиетінің барлық жанрында тыңнан жол салысқан жазушы, әдебиет пен журналистика, драматургия саласында белгілі із қалдырған, жүйрік жазушы, абзал азамат Бейімбет Майлиннің 120 – жылдығына арналған «Қалам майталманы»  атты мәдени - шара өтті. Оған жазушы - сатирик Ғұмар Ахметчин, заңгер – қаламгер, журналист Ғалихан Мәулетов, А.Байтұрсынов атындағы Қостанай мемлекеттік университетінің аға оқытушысы Шынар Төлегенова, облыстық тарихи өлкетану мұражайының бөлім меңгерушісі Назима Оташева қатысып, Бейімбет Майлиннің өмір жолы мен шығармашылықтарына тоқталып, қазақ драма әртісі Қабдол – Мәжит Иманов және студенттер Бейімбет Майлиннің өлеңдерін оқып, «Шұғаның белгісі» пьесасынан үзінді көрсетті.