Л.Н.Толстой ат. ОӘҒК ұйымдастыруымен қалалық «Мирас» мәдениет сарайында қазақтың белгілі жазушысы, Мемлекеттік және М.Шолохов, В.Пикуль атындағы халықаралық сыйлықтардың лауреаты, Қазақстанның еңбек сіңірген қайраткері, Ресей әдебиет академиясының академигі, Ресей педагогика және әлеуметтік ғылымдар академиясының академигі, «Парасат» орденінің иегері Досанов Сәбит Аймұханұлының 75 жылдығына орай «Көркем сөздің көрнекті шебері» тақырыбында кеңейтілген көрме ұсынылды.
Көрмеге автордың еңбектері, өмірі мен шығармашылығына қатысты деректер, арнау өлеңдер мен цитаталар қойылды. Барлығы 108 баспа ұсынылды. Алыс жақын шетелден келген қаламдас әріптестері, достары, оқырмандар тарапынан көрме үлкен сұранысқа ие болды.