26 қыркүйек күні І.Омаров ат. облыстық қазақ драма театрында өткен республикалық «Абай оқулары» байқауында облыстық кітапхана «Абай әлемі - даналық мұхитты» атты үлкен кітап көрмесін ұйымдастырды. Көрмеге Абайдың шығармаларынан, ұлы ақын әрі ойшыл туралы мақалалар жарияланған кітаптар мен журналдардан құрылған 130 астам басылым қойылды. Ондағы қазақ, орыс, қытай, араб, ағылшын тіліндегі әдебиеттер көрмені тамашалағандар үшін тың дүние болды. Кітаптар мен мерзімді басылымдардан басқа жиналғандар назарына Абай Құнанбаевтың шығармалары жазылған аудиокітаптар, CD-ROMдар, DVD-дискілер ұсынылды. Көрмені қостанайлықтардан басқа Қазақстанның 14 облысынан келген қонақтармен бірге байқауға қатысқан 16 өзге ұлт өкілдері де тамашалап, өздерінің шынайы таңданыстары мен ризашылықтарын білдірісті.