«Қазақстан Республикасындағы сайлау туралы» Қазақстан Республикасының конституциялық заңына түсіндірме

67.400.8(5Қаз)
Қ 18
«Қазақстан Республикасындағы сайлау туралы» Қазақстан
Республикасының конституциялық заңына түсіндірме [Мәтін] /
[Л. Н. Гумилев ат. Еуразия ұлттық ун-ті ; ҚР Орталық сайлау
комиссиясы ; авторлар ұжымының жетекшісі: М. Ч. Қоғамов]. – Астана : Қазақстан Республикасы Орталық сайлау комиссиясы,
2023. – 560 б.

Сайлау заңнамасын жетілдіру – Қазақстанның құқықтық және демократиялық мемлекет ретіндегі мәртебесін нығайтудағы заңды, тұрақты және дәйекті процесс. Орталық және жергілікті жерлерде мемлекеттік билік пен басқару органдарына лауазымды тұлғаларды сайлауды өткізудің жаңа тәртібі мәселелері бойынша Қазақстан Республикасы Конституциясының нормаларына түбегейлі өзгерістер мен толықтырулар енгізген 2022 жылғы конституциялық реформаға байланысты ұлттық құқықтың аталмыш саласының өзектілігі айтарлықтай артты. Сайлау заңнамасының новелласын түсіндіру (түсініктеме беру) тек қана сайлаушылардың – еліміздің азаматтарының мүддесі үшін қажет екендігі осымен анықталады.
Осы мақсатта ұсынылып отырған түсіндірме, ең алдымен, ел сайлаушыларына, сайлау процесіне қатысушыларға, сайлау комиссияларының мүшелеріне, сондай-ақ сайлау заңнамасы мәселелеріне қызығушылық танытқандардың барлығына арналған.
Қазақстан Республикасының «Қазақстан Республикасындағы сайлау туралы» 1995 жылғы 28 қыркүйектегі № 2464 Конституциялық Заңына түсіндірме заңнаманың 2023 жылғы 1 қаңтардағы жағдайына сәйкес дайындалды.