Бүгін Қазақстанда латын қарпінде жалпыұлттық диктант өтті. 2018 жылдың 14 қарашасында кітапхананың конференция залына өздерінің жаңа қаріппен жаза білу дағдыларын тексеріп көру үшін Қостанайдың мәдениет саласына қарайтын барлық ұйымдардың өкілдері жиналды. Шарадан тыс қалмаған Л. Н. Толстой ат. ОӘҒК қызметкерлері республикалық акцияға белсенді қатысты. Кітапханашы Алмас Мұратбеков кіріспе сөзінде латын қарпін пайдаланудың артықшылықтарына тоқталды және бұл қадамның маңыздылығын атап өтті. Диктант жазуға 50 адам қатысты, оның 16-сы Л. Н. Толстой ат. ОӘҒК өкілі болды. Акция соңындағы жұмыстарды тексеру көпшілігінің оң нәтижеге қол жеткізгенін көрсетті және мұның өзі қоғамымыздың латын қарпін пайдалануға дайын екендігін тағы да дәлелдеп берді.