19 қарашадан бастап Әмбебап оқу залында Дүниежүзілік ЖҚТБ күрес күніне арналған «ЖҚТБ – әлемді жалмар жалмауыз» көрме-үндеуі келушілердің назарына ұсынылды. Дүниежүзілік ЖҚТБ күрес күні 1 желтоқсанда аталып өтіледі. Көрменің мақсаты – АҚТҚ/ЖҚТБ мәселесіне қатысты білімді насихаттау, саламатты өмір салтына деген оң пікірді қалыптастыру.

Көрмеге кітапхана қорынан алынған орыс және қазақ тілдеріндегі білім беру басқармасының мамандарына арналған «ВИЧ/СПИД и образование» ақпараттық жинағы, иммунологтарға, вирусологтарға, көпшілік медицина қызметкерлеріне арналған «Азбука СПИДа» анықтамалығы, терапевтерге, отбасылық дәрігерлерге және дипломнан кейінгі дайындық және медициналық оқу орындары жүйесіне арналған «Занятия с подростками по профилактике наркомании и ВИЧ/СПИДа», «АҚТҚ/ЖҚТБ» жаңа медициналық анықтамалығы секілді басылымдар қойылған.  Сондай-ақ студенттерге, әлеуметтік қорғау қызметкерлеріне, психологтар мен жалпы оқырмандарға арналған әдебиеттер қойылған.

Барлығыңызды жыл аяғына дейін жұмыс істейтін көрмемізді көруге шақырамыз.