Құрметті оқырмандар!

Абонементтер бөлімі ТМД елдеріндегі Кітап жылы аясында «Бір ағаштың бұтақтары» көрмелер циклін жалғастырды. 1 және 30 маусым аралығында оқырмандарды әлемдік мәдени мұраның маңызды және ажырамас бөлігі болып табылатын Қырғызстанның әдебиетімен танысуға шақырамыз. Көрмеге жер жүзіне кеңінен танымал, ұлы жазушы Шыңғыс Төреқұлұлы Айтматовтың қазақ, орыс және ағылшын тіліндегі шығармалары қойылған. Оқырмандар үшін қырғыз әдебиетінің Н. Байтемиров, Ш. Бейшеналиев, Т. Садыкбеков, С. Эралиев секілді және басқа да талантты өкілдері мен авторларының шығармалары да қызықты болмақ.