«Жамбыл – менің жай атым, халық – менің шын атым» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

16.02.2021

Құрметті оқырмандар!

Абонементтер бөлімі назарларыңызға қазақтың ұлы ақыны Жамбыл Жабаевтың 175 жылдығына арналған «Жамбыл – менің жай атым, халық – менің шын атым» кітап көрмесін ұсынады. Кітап көрмесінің мақсаты: қазақ классигі, көрнекті суырып салма ақын Ж.Жабаевтың шығармаларын насихаттау.

Оқырмандар назарына әр жылдардағы басылымдар: 2 томдық және 4 томдық шығармалар жинағы, оның халық жыршысы және ақыны ретіндегі шығармашылық бейнесін сипаттайтын өлеңдері, жырлары жарияланған таңдамалы шығармалары ұсынылған.

С.Бегалиннің ақынның өмірі мен шығармашылығы жайындағы «Жамбыл», «Жамбыл және қазіргі халық поэзиясы» басылымдары, сондай-ақ Қазақстан ақын-жазушыларының ол туралы мақалалары мен естеліктері оқырмандардың қызығушылығын тудырады. Оның туындылары отаншылдық поэзияның нағыз маржандары болды.

Барлығыңызды наурыз айының ортасына дейін жұмыс істейтін көрмені көруге шақырамыз.