Өлкетану әдебиеттері бөлімінің әдеби-ақпараттық секторы оқырмандардың назарына танымал жазушы Татьяна Никитична Толстаяның 70 жылдығына арналған «Басқалардан ерекше ештеңем жоқ» көрмесін ұсынады.

Татьяна Толстая – публицист, орыс жазушысы, әдебиет сыншысы. Көпшілікке «Школы злословия» хабарының тележүргізушісі ретінде танымал. Оның шығармалары әлемнің көптеген тілдерінде оқылады. Ресейдің болашағы жайындағы антиутопиялық «Кысь» романы  ең танымал шығармасы болып саналады, бірақ оның басқа да көптеген керемет кітаптары бар. Мысалы, «Любишь – не любишь», «Белые стены», «На золотом крыльце сидели…», «Изюм» әңгімелер жинағы және басқалар. 

Көрмеге оның әр жылдардағы шығармаларының жинақтары, сондай-ақ оған арналған мақалалар және жазушымен болған сұхбаттар қойылған.