19 қарашада Л. Н. Толстой ат. ОӘҒК бірінші қабатының фойесінде «Рухани жаңғыру» бағдарламасы және «Тәуелсіздіктің 30 шыңы» облыстық медиа жобасы аясында «А.И. Никифоров ат. көркемсурет мектебі» КМҚК білім алушылары мен педагогтары көрмесінің ашылуы өтті. Бұл көрме Қазақстан Республикасы Тәуелсіздігінің 30 жылдығына арналған арнайы жоба болып табылады.

    Бұл іс-шараның мақсаты – елімізді Тәуелсіздік шыңына жетелейтін отандастарымыздың жетістіктері үшін мақтаныш сезімін, отаншылдықты тәрбиелеу.

    Көрмеге қатысқан Сурет мектебінің оқушылары мен жас педагогтары көрмеде гуашь, акварель, қарындаш, компьютерлік графика сияқты түрлі техникаларда орындалған отандастарымыздың 36 портретін ұсынды. Жасөспірім және жас суретшілер бізге тәуелсіз Қазақстан қоғамының «сәулетіне» өз үлесін қосқан жерлестеріміз туралы ерекше сүйіспеншілікпен және құрметпен бейнелеген жұмыстарын ұсынды.