17 қарашада Көзі көрмейтін және нашар көретін азаматтарға арналған арнайы кітапханалардың «Тәуелсіздіктің 30 жылдығына – 30 кітап» республикалық жиыны өтті. 

Жиынды Зағип және нашар көретін азаматтарға арналған республикалық кітапхана мен Жамбыл облыстық көзі көрмейтін және нашар көретін азаматтарға арналған арнайы кітапхана ұйымдастырды. Жиын жұмысына облыстық және қалалық арнайы кітапханалардың директорлары мен жетекші мамандары қатысты. Жиын жұмысы барысында  «Алаш әдебиеті – Тәуелсіз ұлт руханиятының негізі» атты байқаудың қорытындысы шығарылды және жиналғандардың назарына Л. Н. Толстой ат. Қостанай облыстық әмбебап ғылыми кітапханасының Брайль қарпімен шығарған «Ғафу Қайырбеков. Таңдамалылар=Гафу Кайырбеков. Избранное» кітабы ұсынылды. Кітап сарапшылар тарапынан жоғары бағаланып, Алғыс хатпен және Сақина шаммен аталып өтілді. 

Көзі көрмейтін және нашар көретін азаматтармен жұмыс бөліміне жаңа шығармашылық жетістіктер, ізгілікті оқырмандар тілейміз.