Құрметті оқырмандар! Жеңіс күні – біздің ортақ жадымыздың ұлы күні, ол тек Қазақстанда ғана емес, әлемнің көптеген елдері үшін де қастерлі. Жеңіс мерекесі қарсаңында Абонементтер бөлімі назарларыңызға Мәншүк Мәметова, Хиуаз Доспанова, Талғат Бигелдиновтың 100 жылдығына арналған «Жүз жыл өтсе де жадыңда жүрер жандар» атты кітап көрмесін ұсынады. Көрмеде ұсынылған кітаптар соғыс жылдарындағы оқиғалар туралы, біздің батырларымыздың Отан үшін және біз үшін қымбат әрі қасиетті нәрсенің барлығын қорғау үшін жасаған ерліктері туралы баяндайды. Олардың арасында әйелдердің соғысқа қатысқаны туралы «Қаһарман қыз Хиуаз» суретті фотоальбомы, А. И. Халимульдинаның  «Звездный час Маншук», «Өрт жылдардың отты жандары» кітаптары, сондай-ақ ұшқыш Талғат Жақыпбекұлы Бигелдинов туралы «Герои Советского Союза – Казахстанцы» жинағы бар.

Көрме 2022 жылдың 01.05. және 16.05. аралығында жұмыс істейді.