1 наурызда Қазақстанда Алғыс айту күні атап өтіледі. Жыл өткен сайын мереке өзіне тән ерекшеліктерге ие болып, маңыздылығы арта түсуде, еліміздің азаматтары үшін оның міндеті айқын бола түсуде.

Өнер туралы әдебиеттер бөлімінің қызметкерлері Ш. Қабылбаев атындағы ҚР ІІМ Қостанай академиясының тыңдаушылары үшін «Жақсылыққа тағзым» атты тақырыптық іс-шара өткізді. Жүргізушілер академия курсанттарына біздің заманымыздың батырлары – қызметтік борышын өтеу кезінде қаза тапқан өрт сөндіруші Асқар Забикулин және өз өмірін қатерге тігіп, Астана қаласында қызды құтқарған Сәбит Шонтақбаев туралы айтып берді.

Іс-шара соңында курсанттар кітапханашыларға алғыс білдіріп, мұндай іс-шаралар олардың рухани дүниесіне оң әсер ететінін атап өтті.