Келушілер арасында сауалнама жүргізу
| «Кәсіпкер келіншектер» | 27.11.2024 | 2024 жылғы 27 қарашада Л. Н. Толстой атындағы Қостанай облыстық әмбебап ғылыми кітапханасында «Қазтұтынуодағы» Қостанай жоғары колледжінің студенттері үшін «Кәсіпкер келіншектер» атты іскерлік кездесу өтті. Іс-шара әйелдердің экономикалық құқықтарын кеңейту, гендерлік таптаурындарға қарсы тұру және әйелдер бизнесін қауіпсіз және табысты дамыту үшін жағдай жасау мәселелеріне арналды.
Кездесудің мақсаты әйелдердің кәсіпкерлікпен айналысуын олардың экономикалық тәуелсіздігінің және әртүрлі зорлық-зомбылықтан қорғаудың маңызды факторы ретінде талқылау болды. Сондай-ақ кездесіп қалатын кедергілер, оларды жеңу жолдары қарастырылып, қатысушылар табысты тәжірибелерімен және озық практикаларымен бөлісті.
Спикерлер арасынан кәсіпкер, «Assema Sweet» кофеханасы мен наубайханасының иесі, шай үстелдерін ұйымдастырушы Әсем Ахметова, кәсіпкер, «Afroshik» сұлулық салонының иесі Александра Борищенко, әлеуметтік кәсіпкер, «Школа скорочтения и развития интеллекта "Уникум"» ЖШС негізін қалаушы, «БҰҰ – Қазақстан әйелдері» бағдарламасының жаттықтырушысы Шолпан Нұрқанова сөз сөйледі.
Іскерлік кездесу гендерлік зорлық-зомбылықты жеңу үшін әйелдердің экономикалық дербестігінің маңыздылығын көрсетті. Іс-шараға қатысушылар мұндай кездесулерді тұрақты түрде өткізіп отырудың керектігін, сондай-ақ білім беру және қолдау бағдарламаларын кеңейтудің қажеттігін атап өтті.
#гидқазақстанға #гидпоказахстану
@american_corner_kostanay | | | | Кері қарай |
Комментарии ()
Авторизуйтесь на сайте для комментирования. |
Қате көрсеңіз оны бөлектеңіз де, "CTRL+Enter" басыңыз
|
