«Жаңа түскен кітаптар» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

03.02.2026

Құрметті оқырмандар! Ақпараттық-библиографиялық қамтамасыз ету бөлімі назарларыңызға тұрақты жұмыс істейтін «Жаңа түскен кітаптар» атты кітап көрмесін ұсынады. Көрмеден әрбір оқырман Қазақстанның қызықты тарихынан бастап алыстағы галактикалардың құпияларына дейін өзіне ұнайтын бір нәрсе таба алады.
Тарихи әдебиетке қызығушылық танытатындар үшін келесі басылымдарды ұсынамыз:
- «Қазақстан тарихы» (3 томдық энциклопедия) – еліміздің тарихы туралы ауқымды еңбек;
- «Туран: колыбель цивилизации человечества» – мәдени тамырларды терең зерттеу;
- «Шымкент энциклопедиясы» – оңтүстік Қазақстанның керемет кенті жайындағы барлық ақпаратты алуға болатын кітап.
Көрмеде жеңісті жақындатып, өздерінің ерліктерімен еліміздің атын шығарған батырларымыз жайындағы «Жеңіс жауынгерлері» және «Герои-казахстанцы» кітаптары ерекше орын алады. Білімқұмар оқырмандар үшін түрлі түсті энциклопедиялар ұсынылған, мысалы, «Наши дома» кітабы – бұл әртүрлі дәуірлердегі тұрғын үйлер бойынша 3D-саяхат. QR-кодтарды сканерлесеңіз, суреттердің қозғала бастайтынын көресіз!
Сондай-ақ оқырмандарды ғарыш, қара тесіктер және басқа галактикалар жайындағы «Звездное небо», «Человек и космос» және «Знакомьтесь: Солнечная система» кітаптары күтеді.
Көрмеде үй жануарларын сүйетіндерге арналған әдебиеттер де бар. И. Г. Барановскаяның «Большая энциклопедия о кошках и собаках» атты энциклопедиясының беттерінде бәріне белгілі үй жануарлары туралы маңызды мәліметтер, қызықты деректер бар. 4D энциклопедиясы – «Жануарлар» атласы – оқырмандар үшін планетамыздың жануарлар әлемін жаңа қырынан ашатын, шынайы мәліметтермен толықтырылған бірегей басылым.
«Жаңа түскен кітаптар» кітап көрмесі бір жыл бойы жұмыс істейді және әдебиеттер түскен сайын үнемі жаңартылып отырады. Ұсынылған басылымдар түрлі тақырыптарды қамтиды және мамандар мен студенттерден бастап жас зерттеушілерге дейінгі көпшілік оқырманға арналған.

Кері қарай