Келушілер арасында сауалнама жүргізу
| Экскурсия | 04.06.2026 | 4 маусымда Л. Н. Толстой атындағы Қостанай облыстық әмбебап ғылыми кітапханасы «Өрлеу» біліктілікті арттыру ұлттық орталығының тыңдаушылары үшін шолу экскурсиясын өткізді.
Экскурсия барысында қонақтар кітапхананың негізгі бөлімдерінің жұмысымен танысты, заманауи кітапханалық қызметтер, мекеменің ресурстары мен мүмкіндіктері туралы білді.
Қатысушылар көру қабілеті бұзылған адамдармен жұмыс бөліміне, ақпараттық-библиографиялық бөлімге, негізгі кітап сақтау бөліміне, сондай-ақ өлкетану әдебиеттері бөліміне және Қостанай өлкесінің тарихы мен мәдениеті бойынша құнды басылымдар көрсетілген сирек кітаптар мұражайына барды.
Абонементтер, өнер туралы әдебиеттер бөліміне және әмбебап оқу залына барған кезде экскурсияға қатысушылар көркем әдебиеттен бастап салалық және ғылыми басылымдарға дейінгі кітап қорының алуан түрлілігі туралы түсінік алды. Мерейтойлық кітап көрмелері, мерзімді басылымдардың жаңа нөмірлері және «BestProfi» ақпараттық-құқықтық жүйесінің мүмкіндіктері қызығушылық тудырды.
Кездесудің жарқын сәті «Америка бұрышы» ақпараттық-ресурстық орталығына бару болды. Қонақтарға 3D принтердің көмегімен жасалған жобалар көрсетіліп, цифрлық және тілдік дағдыларды дамыту орталығының бағдарламалары туралы ақпарат берілді.
Экскурсия соңында қатысушылар кітапхана қызметкерлеріне жылы қабылдауы, танымдық бағдарламасы және іс-шараны ұйымдастырудың жоғары деңгейі үшін алғыс білдірді. | | | | Кері қарай |
Комментарии ()
Авторизуйтесь на сайте для комментирования. |
Қате көрсеңіз оны бөлектеңіз де, "CTRL+Enter" басыңыз
|
