«Строки души и вдохновения» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

14.08.2026

14 тамызда Л. Н. Толстой атындағы Қостанай облыстық әмбебап ғылыми кітапханасы «Kostanay Book Fair» кітап жәрмеңкесі аясында кітапханашылар әулетінің өкілі, ақын Елена Александровна Щекотовамен «Строки души и вдохновения» атты кездесу-диалог өткізді.
Кездесу барысында қазіргі қоғамдағы кітап пен кітап оқудың рөлі, тұлғаны қалыптастырудағы және рухани-адамгершілік құндылықтарды сақтаудағы әдебиеттің маңызы туралы мәселелер қозғалды. Елена Александровна өзінің шығармашылық жолы туралы айтып беріп, поэзияға деген қызығушылығының қалай пайда болғаны, шығармаларды жазу үдерісінің ерекшеліктері және шабыт көздері жайлы әңгімеледі.
Автордың өзінің шынайы сезімдерге толы, өмір туралы толғаныстары және туған жерге деген сүйіспеншілігі көрініс тапқан өлеңдерін оқуы қатысушылардың ерекше қызығушылығын тудырды. Кездесу жылы әрі өзара сенім жағдайында өтіп, ашық пікір алмасуға, ой бөлісуге және қазіргі әдебиеттің өзекті мәселелерін талқылауға мүмкіндік берген алаңға айналды.

Кері қарай