«Ұлт қайраткері: ұлттық рухтың ұраншысы – Өзбекәлі» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

14.08.2026

14 тамыздан бастап Әмбебап оқу залында көрнекті мемлекет және қоғам қайраткері, ғалым-этнограф, Қазақстанның ұлттық мәдениетін зерттеуші Өзбекәлі Жәнібековтің туғанына 95 жыл толуына арналған «Ұлт қайраткері: ұлттық рухтың ұраншысы – Өзбекәлі» атты көрме-портрет жұмыс істей бастады. Ол өз еңбегімен тарихи-мәдени мұраны сақтауға, халықтық салт-дәстүрлерді жаңғыртуға және қазақ халқының рухани құндылықтарын дамытуға өлшеусіз үлес қосты.
Көрмеде көрнекті қоғам қайраткерінің өмір жолы мен сан қырлы қызметін жан-жақты көрсететін кітаптар, мақалалар және басқа да материалдар ұсынылған. Көрмеде оның «Эхо… По следам легенды о золотой домбре» атты еңбегі мен Қазақстанның тарихы, этнографиясы, мәдениеті және ұлттық өнеріне қатысты өзекті мәселелер жан-жақты қамтылған екі томдық «Таңдамалы шығармалар жинағы» ерекше орын алады.
Көрме көпшілік оқырман қауымына арналған және келушілерді ұлттық мәдениет пен тарихи жадыға адалдықтың символына айналған Өзбекәлі Жәнібековтің мол рухани мұрасымен таныстыруды мақсат етеді.

Кері қарай