Қазақстан Республикасының Президенті Н.Назарбаев
«Төртінші өнеркәсіптік революция жағдайындағы дамудың жаңа мүмкіндіктері»
тақырыбымен Қазақстан халқына жыл сайынғы жолдауын жариялады. Аталған құжат экономиканың барлық саласы мен
әлеуметтік саланың алдына Қазақстанның жаңа әлемнің көшбасшыларының қатарына
енуі үшін орындалуы тиісті негізгі 10 міндетті қойып отыр.
Н.Назарбаевтың айтуы бойынша әлем төртінші өнеркәсіптік
революция кезеңіне, терең де қарқынды өзгерістер: технологиялық, экономикалық
және әлеуметтік өзгерістер кезеңіне еніп келеді.
Абонементтер бөлімі аталған тақырып бойынша газеттер мен
журналдардан іріктелген материалдармен танысуға шақырады. Көрмеге республикалық
«Егемен Қазақстан» және «Казахстанская правда» газеттерінде жарияланған құжаттың
қазақ және орыс тілдеріндегі мәтіндері қойылған. Сондай-ақ маңызды құжат
жайындағы саясатшылардың, аналитиктердің, қоғам қайраткерлерінің пікірлері мен
жарияланымдары да қызықты болып табылады.
Маңызды көрме кітапхананың бірінші қабатындағы фойеде орналасқан
және жыл бойы жұмыс істейтін болады. |