Кітапханада жыл сайын облысымыздың негізгі спортшыларымен және жаттықтырушыларымен кездесу өткізіп тұру игілікті дәстүрге айналды. Осыдан бір ай бұрын барлығымыз спорттың 11 түрі бойынша 58 спортшыдан құралған, ішінде қостанайлық жерлестеріміз де бар Қазақстан құрамасының қатысуымен Сочиде өткен 22 қысқы Олимпиада ойындарын қас қақпай қараған болатынбыз. Қостанайдың спорттық өміріндегі елеулі оқиғалардың бірі ретінде қаламызға олимпиадаға қатысушыларымыздың – конькимен сырғанау спорты бойынша Қазақстан Республикасының еңбек сіңірген спорт шебері Кузин Денистің, конькимен сырғанау спорты бойынша Қазақстан Республикасының халықаралық дәрежедегі спорт шеберіЖигин Александрдің, шорт-трек спорты бойынша Қазақстан Республикасының халықаралық дәрежедегі спорт шебері Никиш Денистің оралуын айтуға болады. Олимпиадаға қатысушылармен кездесуге қала жұртшылығы, қаладағы оқу орындарының оқытушылары мен студенттері, Қостанай облысы ІІД оқу орталығының тыңдаушылары, белсенді оқырмандар және БАҚ өкілдері келді. Кездесуге Римма Ғабдуллақызы Ғайсенова төрағалық ететін Мемлекеттік, банк және қоғамдық қызмет көрсету мекемелері жұмысшыларының Қостанай облыстық кәсіподақ комитеті демеушілік етті.