15.09. «Отбасымның тұмары» атты отбасы кеші өткізілді. Кешті «Қостанай облысы әкімдігінің жастар саясаты жөніндегі басқармасы» мен «Нұр Махаббат» қоғамдық бірлестігі және «Қостанай облыстық саламаты өмір салтын қалыптастыру орталығы» КМҚК бірлесіп өткізді. Кешке келген жастармен педагог, ҚР білім беру ісінің үздігі, ҚР педагогикалық ғылымдар академиясының құрметті мүшесі А.И.Суслова, ҚО «СӨС» ҚО маманы («Ұрпақ өрбітер денсаулықты сақтау. Отбасын жоспарлау» бағдарламасының үйлестірушісі) Г.Ш.Мырзақұлова, психолог С.П.Кушнир әңгімелесті. «Досым, қалайсың» сәлемдесуі, А.Суслованың «Гимн семье» өлеңі жастардың көңілін көтерді. Кездесу соңында Сапабекова Эльвира «Мерейлі отбасы» ұлттық байқауының лауреаттары жайында ақпарат беріп, барлық қатысушыларды облысымыздың атынан Астанадағы ақтық сынға жолдама алған Жаңбыршылар отбасына қолдау білдіруге шақырды.