2021 жылдың 19 наурызында көптен күткен Наурыз мерекесі қарсаңында Л. Н. Толстой ат. ОӘҒК жиналыс залында «Наурыз – жыл басы, жақсылық жаршысы» атты әдеби сағат өтті. Мерекелік іс-шараға Қазақ зағиптар қоғамы филиалының белсенділері мен Облыстық мүгедектерді оңалту орталығынан қонақтар шақырылды.
Қазақтың әдет-ғұрпы бойынша іс-шара шашу шашудан басталды, бауырсақ мерекенің сәнін келтіре түсті.
Еріктілер ретінде тартылған Қостанай индустриалды-педагогикалық колледжінің студенттері қонақтарды қарсы алып қана қоймай, сахнадан осы мерекенің тарихы, салт-дәстүрлер, қазақ халқының мереке кезіндегі дәстүрлі ойындары туралы, осы күндері қандай тағамдар дайындалатыны туралы айтып берді.
Әуесқой әртістердің сахнаға шыққан алғашқы минуттарынан-ақ мерекелік ахуал айқын аңғарылды. Келденов Әли мен Исмадьярова Гүлқайша жиналғандарды «Анашым», «Өмір гүлім», «Хороши весной в саду цветочки» әндерімен қуантты.
Бұл залда бейжай отырғандар болған жоқ, барлығы түрлі халықтардың мақал-мәтелдерін бірге еске түсірді, «Орамал тастау», «Кто быстрее» секілді байқауларға қатысты.
Қазақтар ежелден сөздің құдіретті күшіне сеніп келеді. Осы сенімнен "бата беру" салт-дәстүрі дүниеге келді. Халық жақсы сөз бақыттың жартысы деп сенеді. Залда отырған ақсақал жиналған жұртқа өзінің батасын берді.
Іс-шара жиналғандардың бір-біріне ізгі тілек айтуымен аяқталды.
#ҚАЙЫРЫМДЫІСТЕРМАРАФОНЫ
| 
