11 маусым күні өлкетану әдебиеттері бөлімі белгілі ақын, аудармашы, журналист Кеңшілік Мырзабековтің 75 жылдығына арналған «Отанды сүю, өзіңді сүю – бір ұғым!» атты онлайн еске алу кешін өткізді. Аталған кешке Қазақстанның басқа аймақтарынан да белгілі қаламгерлер, Кеңшілік Мырзабековтің көзін көрген замандастары және ақынның ұлы Амангелді Кеңшілікұлы қатысты. Іс-шара барысында қатысушылар өз естеліктерімен бөлісіп, Кеңшілік ақынның шығармашылығы туралы да ой-пікірін айтты.