Көзі көрмейтін және нашар көретін азаматтармен жұмыс бөлімі Рудный қаласында «Бір ел – бір кітап» республикалық акциясы аясында «Кітап – мейірім мен білімге апарар жол» әдеби вернисажын безендірді және оқырмандар назарына ұсынды.   

           Қазақстанда 2021 жыл Тәуелсіздік жылы деп жарияланды. Осыған орай «Бір ел – бір кітап» республикалық акциясы «Тәуелсіздіктің 30 жылдығына – 30 кітап» ұранымен өтуде.  Бүкілхалықтық оқу үшін белгілі қазақстандық авторлардың поэзия, проза, драматургия, балалар әдебиеті мен аударма саласындағы үздік 30 шығармасы таңдап алынған.

Осы шығармалардың кейбірімен біздің әдеби вернисаждан танысуға болады:

Тұрысбек Сәукетаев «Желқайық»

 Рахымжан Отарбаев «Айна ғұмыр»

 Сәуле Досжан «Шығармалары»

 Жұмекен Нәжімеденов

         Ұлыкбек Есдәулет және басқалар.

Көрменің басты мақсаты – қазақ әдебиетін насихаттау, кітап оқуға деген қызығушылықты арттыру, Қазақстанның әдеби мұрасын зерттеуге зерттеушілердің назарын аудару.

Құрметті оқырмандар! 2021 ж. 24.09. дейін жұмыс істейтін кітап көрмесін тамашалауға шақырамыз.

#Qazaqstan30