15 қазанда Л. Н. Толстой атындағы ҚОӘҒК жиналыс залында өлкетану әдебиеттері бөлімінің әдеби-ақпараттық секторы Қазақстан Тәуелсіздігінің 30 жылдығы мен Қостанай облысының құрылғанына 85 жылдығын мерекелеу аясында «Елі сүйген Қостанай» атты өлкетану арт-салонын өткізді.

Қостанай жері таланттарға бай. Көптеген жергілікті ақындар, музыканттар, суретшілер, актерлер өз қалаларын сүйеді және сүйіспеншіліктерін тамаша өнер туындылары арқылы білдіреді. 

Бұл өлкетану арт-салонының мақсаты – жастарға да, шығармашылығын енді бастағандарға да, сондай-ақ қалыптасқан, танылған авторлар мен орындаушыларға да туған қаласына деген сүйіспеншілігін жеткізуге мүмкіндік беру, олардың шығармашылығын қала тұрғындары мен студент жастар арасында насихаттау.