15 наурызда Өлкетану әдебиеттері бөлімі көктемгі күн мен түннің теңесуі және табиғаттың жаңаруы күніне арналған «Наурыз – береке, бірлік бастауы» атты танымдық-музыкалық кеш өткізді.

Кеште кітап көрмесі ұйымдастырылды, онда басылымдармен қатар қазақ халқының сәндік-қолданбалы өнерінің бұйымдары ұсынылды. Наурызды қарсы алудың салт-дәстүрлері туралы «Ұлы дала ұрпақтары Қостанай» қоғамдық бірлестігінің төрағасы, Қостанай облыстық аналар бірлестігінің мүшесі Сүндетбаева Гүлжамила Мұратқызы айтып берді. Намиялы Жасұлан жетекшілік ететін «Нұр-әуен» ансамблі музыкалық нөмірін (күй) тарту етті. Барлық қонақтар қазақтың ежелгі «Шашу», «Шолпы салу» дәстүрлеріне қатысты. Кеш ұлттық дәстүр – тілектер мен ниеттерден тұратын батамен аяқталды. Танымдық іс-шара барлық қатысушының жаңарудың, махаббаттың, құнарлылық пен достықтың символы болып табылатын көктемгі мерекенің жақындап келе жатқанын толық сезінуіне мүмкіндік берді.