4 мамырда Қазақстан Республикасы Қарулы күштерінің 30 жылдығын мерекелеу аясында Әмбебап оқу залында «Мемлекет әскерімен қуатты» атты әскери даңқ сағаты өтті.

Іс-шараның қонақтары ретінде «Ауғанстан ардагерлері» республикалық қоғамдық бірлестігінің төрағасы Мұратбек Жұбанышев, Қостанай қ. қорғаныс істері жөніндегі басқармасының кадрлар бөлімінің бастығы Уәлихан Мұқашев, «Ауғанстан ардагерлері» республикалық қоғамдық бірлестігінің мүшелері Марат Ғалым және Андрей Путников қатысты.

Қонақтар әскердегі күрделі, бірақ құрметті қызмет туралы, кәсіби әскери адамдарды даярлайтын оқу орындары туралы, нағыз әскери қызметшілерге тән қасиеттер туралы жастарды қызықтыратын сұрақтарға егжей-тегжейлі жауап берді.

Іс-шара барысында ҚР Қарулы күштеріндегі қызмет мәселелерін баяндайтын «Әскери даңқ – ұрпаққа ұлағат» кітап көрмесі қойылды.

Іс-шараға № 10 мектеп оқушылары мен Қостанай гуманитарлық колледжінің студенттері қатысты.