Л. Н. Толстой ат. ОӘҒК қонақжайында орыс жазушысы Константин Николаевич Батюшковтың туғанына 235 жыл толуына арналған кітап көрмесі безендірілді.

Константин Батюшков – XIX ғасырдағы ең көрнекті ақындардың бірі, әдебиеттанушы, жазушы, аудармашы.

Қазіргі таңда ақын К. Н. Батюшковтың есімі ұмытылып кетті деуге болады, ал негізінде А. С. Пушкин аяқтаған орыс әдеби тілін жаңарту жұмысын дәл осы К. Н. Батюшков бастаған болатын. Ұзақ уақыт бойы К. Н. Батюшков анакреонтистік ақындар қозғалысының басында тұрды, өз заманының әдеби орталарында үлкен салмаққа ие болды, Жуковский мен Карамзин оның талантына таңдана қарады.

Көрмеге К. Н. Батюшков шығармаларының басылымдары, ол туралы әдебиеттер және оның өмірі мен шығармашылығына арналған мақалалар қойылған.