25 мамырда Әмбебап оқу залы М. Дулатов ат. Қостанай инженерлік-экономикалық университетінде ҚР мемлекеттік рәміздерінің 30 жылдығына арналған «Жариялылықтың, бейбітшіліктің және үміттің нышандары» атты талқылау сағатын өткізді.

Іс-шара барысында студенттер еліміздің мемлекеттік рәміздерінің қалыптасу тарихымен танысты. Жиында сөз алған «Amanat» партиясының Қостанай облыстық филиалы Жастар қанатының төрағасы Серік Манасбаевтың баяндамасы қызықты әрі мазмұнды болды.

Студенттермен олардың Қазақстан Республикасының мемлекеттік рәміздерін білуін байқауға арналған викторина өткізілді. Сұрақтарға жауап бере отырып студенттер Қазақстан Республикасының мемлекеттік рәміздері туралы білімдері мен түсініктерін бекітті.