25 қарашада қонақжайда қостанайлық ақын, Қазақстан Республикасы Журналистер одағының мүшесі, тұңғыш тыңгер Николай Матвеевич Ковтунды еске алу кеші өтті. Оның шығармаларының негізгі тақырыптары – Отанға деген сүйіспеншілік, табиғат сұлулығы, адами қарым-қатынас, махаббат, достық, халқымыздың Ұлы Отан соғысындағы ерлігі, тың жерлерді игеру. Аудандық, облыстық, республикалық газеттерде, «Простор», «Нива», «Берега», «Prata Martis» әдеби журналдарында, ұжымдық жинақтарда басылды. Жеті кітаптың авторы. Кеш барысында жүргізушілер Николай Матвеевичтің өмірі мен оның шығармашылығы туралы айтып берді. Облыстық орыс драма театрының актері Сергей Щербининнің орындауындағы ақынның өлеңдері оқылды. Белгілі бард Дмитрий Говорков өзінің авторлық әндерін орындады. Н. М. Ковтунды еске алуға жақын туыстары, достары, шығармашылық зиялы қауымның көптеген өкілдері: жазушылар, оқу орындарының оқытушылары, суретшілер, журналистер келді. Кешке Қостанай қызмет көрсету колледжінің студенттері де қатысты.

Кездесу қонақжайдың қалыптасқан дәстүріне сай достық ахуалда өтті.