18 қаңтарда Өлкетану әдебиеттері бөлімі журналист, жазушы Жанұзақ Аязбековпен «Сүбелі сөзбен сіңірген еңбек халқына» атты шығармашылық кеш өткізді.

Танымал адамдармен кездесу қашанда керемет жаңалықтар мен шынайы эмоцияларға толы болып, жаңа қарым-қатынас жасауға мүмкіндік береді. Бүгінгі кездесу де осындай керемет кештердің бірі болды. Шақырылған қонақтар мен іс-шараға қатысушылар Жанұзақ Аязбековтың бойынан ақылды, білімді, ұстамды, зиялы  және әдебиетке құштар адамды көрді. Бейнетаныстырылым, кітап көрмесі, «Ағайынның арасы» атты алғашқы кітабының үзіндісі негізінде қойылған әдеби ойын Жанұзақ Аязбековты атақты әдебиеттанушы, талантты журналист ретінде ғана емес, сонымен қатар мейірімді, кітап пен кітап оқуды шексіз сүйетін жан ретінде жақынырақ тануға көмектесті.