Құрметті оқырмандар! Өлкетану әдебиеттері бөлімі назарларыңызға тұңғыш қазақ дәрігері Мұхамеджан Қарабайұлы Қарабаевтың туғанына 165 жыл толуына орай ұйымдастырылған «Қазақ медицинасының атасы» тақырыптық сөресін ұсынады.

Отандық медицинада істеген істері мен тәжірибесі кейінгілер үшін үлгіге айналған көптеген есімдер бар. Мұхамеджан Қарабаев – солардың бірі. Ол мемлекет тарихына әйгілі Қазан университетінде дәрігер және кәсіби емші дәрежесін алған алғашқы қазақ ретінде енді. Қостанай облысының бірқатар аудандарында жемісті жұмыс істеді және көптеген адамдардың өмірге қайта оралуына көмектесті.

Тақырыптық сөреде ұсынылған кітап басылымдары университеттік білімі бар тұңғыш дәрігер қазақтың өмірбаянымен танысуға көмектеседі.