Абонементтер бөлімі қазақ халқының ұлы ақыны, классигі, публицист, педагог, «Алаш» қозғалысының қайраткері Мағжан Жұмабаевтың 130 жылдығына арналған «Мен ақынмын – жалынмын» атты кітап көрмесін тамашалауға шақырады.

Оқырмандар назарына ақынның «Шығармалары» кітабы, «Пайғамбар», «Сен сұлу» сияқты атақты туындылары ұсынылды, сондай-ақ көрмеге ақын туралы жазылған мақалалар қойылған. «Таңдамалы» кітабына ақынның таңдамалы шығармалары, соның ішінде «Педагогика» атты зерттеу еңбегі, көркем аудармалары және басқа да шығармалары енген. Көрмеде ұсынылған кітаптар Мағжан Жұмабаев шығармашылығының алуан қырлылығын көрсетеді.