Келушілер арасында сауалнама жүргізу
| «Адам. Тағдыр. Кітап» | 13.05.2024 | Құрметті оқырмандар! Әмбебап оқу залы, Абонементтер бөлімі және Өлкетану әдебиеттері бөлімі Саяси қуғын-сүргін құрбандарын еске алу күніне арналған «Адам. Тағдыр. Кітап» көрмесін дайындады.
Көрмеде ұсынылған «Азаттық таңын аңсаған арыстарым!», «Депортированные в Казахстан народы: время и судьбы», «Алашорда және Ілияс Жансүгіров», «Репрессия құрбандары» кітаптары мен мақалалары қуғын-сүргінге ұшыраған қазақстандықтардың, жер аударылған халықтардың тағдыры, ашаршылық құрбандары туралы баяндайды, тарихшылардың еңбектерімен және деректі материалдармен таныстырады.
С. Бекмаханов «Казахстан в 20–40-е годы 19 века», В. Михайлов «Великий джут» кітаптары, «Ашаршылық. Голод. 1928–1934. Документальная хроника», «Трагедия казахского аула 1928–1934», «Красный Террор: из истории политических репрессий в Казахстане» мұрағаттық деректер мен публицистикалық материалдар жинақтары, Т. Омарбековтың «1929–1931 жылдардағы халық көтерілістері» зерттеу кітабы сол кездегі қайғылы оқиғалар туралы ақпаратты толықтыра түседі.
Көрменің көрнекті жеріне Алаш қайраткерлері мен қуғын сүргінге ұшыраған жазушылардың бірегей еңбектері: Ә. Бөкейхановтың шығармалары, С. Асфендияровтың «Шығармалары», А. Байтұрсынұлының «Шығармалары», К. Өскембаевтың «Әлімхан Ермеков түлға тағылыры», Қ. Мұхамедхановтың, С. Сейфуллиннің шығармалары қойылған.
13 мамырдан 13 маусымға дейін жұмыс істейтін көрмеге қатысуға шақырамыз.
#гидқазақстанға #гидпоказахстану | | | | Кері қарай |
Комментарии ()
Авторизуйтесь на сайте для комментирования. |
Қате көрсеңіз оны бөлектеңіз де, "CTRL+Enter" басыңыз
|
