«Цифрлық импульс: сенің медиа әлеміндегі жылдамдығың» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

25.02.2026

Л. Н. Толстой атындағы Қостанай ОӘҒК «Америка бұрышы» АРО базасында «Цифрлық импульс: сенің медиа әлеміндегі жылдамдығың» тақырыбымен ӘММ /әлеуметтік медиа маркетинг/ бойынша апталық қарқынды курс өтті. Бағдарлама мамандықты біртіндеп игеру қағидаты бойынша құрылды. Бірінші күні қатысушылар ӘММ ілгерілету негіздерімен және қазіргі медиа кеңістіктегі әлеуметтік желілердің рөлімен танысты. Әрі қарай мақсатты аудиторияны талдау және парақшаны жасау қарастырылды: тыңдаушылар қараушыларға әсер етудің жолдарын және аккаунтты сауатты рәсімдеуді үйренді.
Контенттің жоспарын құру және мәтіндермен жұмыс жасау тақырыбы аясында қатысушылар идеялар мен талдаулар жасау үшін айдарлар әзірледі, өз мақалаларын жазды және ЖИ құралдарын, соның ішінде Grok платформасын пайдаланды.
Жеке блок «Көрнекілік және контент жасау: ақысыз құралдар және ЖИ-пен жұмыс» тақырыбына арналды – қатысушылар Canva-ны игерді, жарнамалар жасады және өз жобаларының көрнекілік тұжырымдамасымен жұмыс істеді. Сондай-ақ мақсатты жарнама мен оны алға бастырудың негіздері зерттелді.
Ақырғы кезең Pitch Day болды, онда қатысушылар өздерінің дайын жобаларын – ойластырылған, құрылымдалған және нақты аудиторияға бағытталған өнімдерін көрсетті. Бұл жай ғана жасалған жұмыс туралы есеп емес, өздерінің медиа идеяларын толық қорғау болды.
Қарқынды курс кәсіби өсуге күшті қадам болды: қатысушылар білім алып қана қоймай, оларды іс жүзінде қолдануды, стратегияны сенімді құруды, сапалы контент жасауды және нәтижелерді талдауды үйренді.

Кері қарай