«Ғасырлар қойнауынан жеткен отбасылық құндылықтар» | Оқиғалар | Жаңалықтар | КОСТАНАЙСКАЯ ОБЛАСТНАЯ УНИВЕРСАЛЬНАЯ НАУЧНАЯ БИБЛИОТЕКА им Л.Н. ТОЛСТОГО

05.05.2026

Абонементтер бөлімі Халықаралық отбасы күнін мерекелеу аясында «Ғасырлар қойнауынан жеткен отбасылық құндылықтар» атты кітап көрмесін дайындады. Көрме отбасының өмірдің негізгі тірегі, сүйіспеншіліктің, қолдау мен өзара түсіністіктің кеңістігі ретіндегі маңыздылығын ашуға бағытталған.
Көрмеде отбасылық қатынастардың әртүрлі аспектілерін қамтитын басылымдар ұсынылған. Онда ата-аналарға арналған және отбасында үйлесімді атмосфераны құруға көмектесетін кітаптар ерекше орын алады: Ф. Бизақова «Отбасылық дағдарыс психологиясы», Ш. Мұқан «Отбасы. Оқуға тиіс 10 кітап», Е. Караваева «Мені жоспарла!», Ю. Азаров «Махаббат жолдары», О. Торсунов «Законы счастливой семейной жизни», Л. Суркова «Семья. Как здорово быть вместе», С. Давлатов «Тайна семейных отношений».
Көрмені ұрпақтарды біріктіретін және отбасылық қарым-қатынасты жүрекке жылы әрі мағыналы ететін көркем әдебиет толықтырады. Оқырмандарға белгілі қазақстандық және шетелдік авторлардың шығармалары ұсынылады: М. Әуезов «Абай жолы», Б. Момышұлы «Ұшқан ұя», Е. Әкімқұлов «Немере», З. Ахметова «Шуақты күндер», Л. Толстой «Детство», А. Номад «По реке жизни». Ұсынылған барлық кітаптар отбасылық құндылықтар тақырыбын өзінше ашып, туыстар арасындағы өзара қолдау, құрмет және рухани жақындықтың маңыздылығын көрсетеді.
Ағымдағы жылдың 05-28 мамыр аралығында жұмыс істейтін көрмені тамашалауға шақырамыз.

Кері қарай