28.3

Д 40

Дигель И.Э. және т.б. Көрнекі вирусология (қазақ, орыс, ағылшын тілдерінде): оқу құралы/ И.Э. Дигель, А. А Жұбанова, Н.Ш. Ақымбеков. - Алматы: Қазақ университеті, 2013- 170 бет.

Оқу құралында вирустардың классификациясы мен құрылымына, генетикасы мен репродукциясының ерекшеліктеріне және табиғаттағы рөліне негізделген суреттер мен сызбалар берілген. Оқу құралының бұл түpi мәліметтер мен ақпараттардың тиімділігін жоғарылату мақсатында қолданылады. Иллюстрациялық оқу құралы Қазақстанның заманауи жоғары білікті мамандарын мемлекеттік қазақ тілінде және орысша, ағылшынша тілдерінде дайындау саясатына қарай үш тілде берілген.

Қазіргі таңда ғылыми әдебиеттерде «компьютерлік вирусология», «компьютерлік фагтар» деген терминдер жиі-жиі кездесетін болды. Компьютерлік вирустарды табиғи вирустарының аналогы деп санауға болады ма деген сұрақтар туындап жатқандықтан, кітапта компьютерлік вирусологияға да қысқаша шолу келтірілген.

Оқу құралы биология және медицина мамандықтары бойынша оқитын студенттерге, магистранттар мен докторанттарға, сонымен қатар оқытушылар, ғылыми қызметкерлер және микроәлем өкілдерінің ерекшеліктерімен танысқысы келетін барлық оқырмандарға арналған.