Ұзақ жыл «Егемен Қазақстан» газетінде бас редактордың орынбасары болып қызмет істеген, «Құрмет» орденінің иегері, есімі елімізге белгілі қаламгер Сейфолла Шайынғазының«Өміржария» атты кітабы негізінен алғанда өмірбаяндық, мемуарлық сипатта жазылған шығарма. Онда автор кеңестік кезеңде, әсіресе екінші дүниежүзілік соғыстан кейінгі ауыр жылдарда бірнеше колхозда басқарма төрағасы болып кызмет істей жүріп шаруашылықтардың  алға басуына жағдай жасаған әкесі Мұхамеджанов Шайынғазы туралы баяндайды.

Автор 35 жылға жуық өмірін журналистикаға арнағандықтан облыстық, республикалық бұқаралық ақпарат құралдарында қызмет істеген жылдарда өз басынан өткерген оқиғалар туралы, журналистиканың қыр-сыры мен ерекшеліктері туралы да деректер келтіре отырып әңгімелейді. Кітаптың тілі оқуға жеңіл және тәлімдік тұрғыда оқырман үшін тиімді жақтары да аз емес.