Өмір жолын бір мезетте, бірдей жағдайда бірге бастағандардың қайсыбірі уақыт өте келе жетістіктерге жетіп, серігі сәттілік болып, бақ пен бақытқа кенеліп жатса, енді біреулердің бастаған ісі өрге баспай, сәтсіздіктің шырмауынан шыға алмай жүруінің себебін білу кім-кімді де қызықтырары анық. Жетістікті жандардың құпиясын білу бар да, олар қолданған әдістерді іс жүзінде пайдаланып көру бар...

Кітап оқырманның жасына да, дәл осы сәттегі білім деңгейіне де, өмірлік таным- тәжірибесіне де, әлеуметтік, материалдың жағдайына да қарамастан, өз өміріне оң өзгеріс енгізгісі келетін, ертеңгі күннің барлық аспектлерінде бүгінгіден әлдеқайда жоғары деңгейге жетуді мақсат тұтқан, басқаша айтқанда «бақыт» деп аталатын арман-әлемге бет түзегендердің баршасына арналады.