Құрметті пайдаланушылар, Көзі көрмейтін және нашар көретін азаматтармен жұмыс бөлімі назарларыңызға «Облыс тынысы» жобасының он бірінші шығарылымын ұсынады.

«Қостанай таңы» газетінің 2021 жылғы 10 қарашадағы № 118 санында ата-бабаларымыздың мұрасын жаңғырту мақсатында  «Қорамсаққа қол салып, қол салғанда мол салып...» атты мақала жарияланды. Онда Қостанайда ұлттық садақ ату дәстүрі бойынша клубтың ашылғаны туралы айтылады. Қазақстанда дәстүрлі садақ ату мәдениетін дамыту енді қолға алына бастады. Алайда адамдардың осы спорт түріне деген қызығушылығы ояна бастады. Оны жаңғыртудың болашағы бар. Клубтың ашылуына жерлесіміз, Науырзым ауданының тумасы, садақ атудан республика чемпионы Аяулым Аппасова өз үлесін қосты. Клуб ашу бастамасын Қостанай облысының Кәсіпкерлер палатасы қолдады. Садақ атуды барлығы үйрене алады, клуб жасөспірімдер мен қыздарды күтеді.